Urte-sasoi honetan, ohi baino azoka gehiagotan parte hartzen dugu.

Hala, irailean, Bilboko Areatzako baserritarren asteroko azokan ez

ezik, Algortako azoka ekologikoan (hilaren 9an), Muskizko urteroko

azokan (17an), Mamarigako azokan (24an)

eta Mungiako azoka ekologikoan (30ean) ere izan ginen.

Eguraldia oso aldakorra izan zen irailean, beste behin egun lehor eta

beroak lainotsu eta apur bat fresko eta hezeagoekin tartekatuta. Hala

ere, tenperatura maximoak abuztuan baino pixka bat baxuagoak izan

ziren: hilaren hasieran 33 ºC-tara iritsi arren, gero 21-26 ºC-tara jaitsi

ziren. Goizean, tenperaturak freskoagoak izan ziren hilaren amaiera

aldera, eta egun batean 10,3 ºC-tara ere jaitsi zen. Zenbait egunetan

euria egin zuen eta 73 litro bildu genituen euri-neurgailuan. Karrantzan,

hilaren erdialdeko ekaitz elektrikoak bizi izan genituen, baina ez beste

leku batzuetan jasan zituzten euri- eta txingor-zaparradak.

Esne-behiek larrea, alpapa-bazka, eta pentsu eta belar siloratu apur

bat jan zuten.

Era berean, eguraldi lehor eta beroa euritsuarekin tartekatu zenez,

belar dezente zegoen zelaietan, beraz, batzuetan “berdea” eraman

ahal izan genien behiei.

Bigantxa eta behi lehorrak belardiz belardi mugitzen jarraitu genuen,

eskuragarri zegoen larrea jan zezaten.

Hileko lorea. (Asplenium trichomanes) Xardin-belar beltza

Oraingoan ere, normalean iratze izenez ezaguna den beste espezie

bat dakargu, xardin-belar beltza, hain zuzen ere, Asplenium genero-

koa, munduan 700 espezie baino gehiago dituen horretakoa. (Gogo-

ra dezagun, gure webgunean aurkezten ohi ditugun espezieak bezala,

iratzeek eta, zehazki, xardin-belar beltzak sustraiak, zurtoinak eta

hostoak dituztela, baina ez lorerik ez hazirik. Esporak, ordea, bai).

Vista Alegre Baserrian, batez ere harrizko hormetan eta azaleratutako

harkaitz batzuetan hazten dira.

Baratzean gero eta barazki gutxiago egon arren, tomateak, kalabazinak,

luzokerrak eta piperrak biltzen jarraitzen dugu. Laster barru, txiribiak eta

azenario gehiago izango ditugu, bai eta, ez askoz geroago, bruselazak

ere. Eguraldia aldatzen denean, neguko azaloreak eta azak landatuko

ditugu.

Hileko errezeta: Berenjenak gaztaz estaliak, aire-frijigailuan eginak.

Errezeta honek aire-frijigailua darabil, baina, bestela, labe klasikoa erabil daiteke.

Soroetan berenjenak daudenez, errezeta zehatz hau ekarri dugu. Berenjenak es-

taltzeko osagaiak norberaren gustuaren arabera alda daitezke: gazta gehiago

edo gutxiago, gazta-mota desberdinak, tomatearekin edo gabe, beste saltsa

batzuekin, hainbat espeziarekin, hirugihar kurruskariarekin...

3 berenjena txiki edo 2 handi

Oliba-olioa

Gatza eta piperbeltza, nahi beste

300 g gazta ondu birrindu

Albaka, ahal dela freskoa, kikara-laurden bat hosto zatitu edo, lehorra bada,

koilarakadatxo-laurden bat

Tomate-purea (etxekoa, ahal dela)

Garbitu berenjenak, kendu zurtoina eta moztu erditik luzetara. Jarri aire-friji-

gailuko (edo labeko) erretiluen gainean. Sukaldeko brotxa batekin, busti gai-

nazala oliba-olioz eta erantsi bai gatza bai piperbeltza nahi beste. Sartu aire-

frijigailuan (edo labean) 15 minutuz 200 ºC-tan (edo 20 minutuz, berenjenak

handiak badira).

Atera frijigailutik, busti tomate pixka batekin eta zabaldu birrindutako gazta

alberjinien gainean. Albaka freskorik eduki ezean, hautseztatu albaka lehorrez.

Sartu berriz frijigailuan 200 ºC-tara 2 minutuz edo gazta urtu arte. Albaka

freskoa izanez gero, zabaldu zati batzuk berenjena bakoitzaren gainean zer-

bitzatu aurretik.

(Gogoan izan berenjenak estaltzeko modua norberaren gustuaren arabera

alda daitekeela)