Gure baratzeetako bat oso beteta dago oraintxe bertan. Azken hilabeteetan,

ilarrak, azaburuak, azaloreak, kalabazinak, luzokerrak, tipulak, letxugak,

piperrak, azenarioak, mahaiko erremolatxa, txiribiak, zerbak, brokolia,

ziazerbak eta patatak landatu edo erein ditugu.

Orain, ilarrak, azaloreak eta azenarioak biltzen hasi gara, eta laster barru

porruak, Bruselako azak eta letxuga gehiago landatu ahalizango ditugu.

Barazki hauek guztiak guk geuk kontsumitzeko dira.

Hileko errezeta: Pasta hirugihar, haragi xehatu eta gaztarekin

Koilarakada bat oliba-olio

Tipula bat fin moztuta

2 baratxuri-atal fin moztuta

4 hirugihar-xafla

500 g haragi xehatu

550 g pasta-saltsa (tomatea, oreganoa, gatza, olioa….)

2 kikara haragi-saltsa

Hainbat barazki moztuta (kikara bat)

250 g pasta-espiral

Kikara eta erdi gazta birrindu

Gatza eta piperbeltza nahi beste

Busti zartagin baten hondoa olio apur batekin. Sartu hirugiharra, tipula eta

baratxuria, eta sueztitu tipula samurtu arte. Erantsi haragi xehatua eta koz-

inatu kolorea aldatu arte. Gehitu pasta-saltsa, haragi-salda, barazkiak, gatza

eta piperbeltza. Berotu irakin arte eta utzi poliki-poliki irakiten bost minutuz.

Sartu pasta (aurrez kozinatu gabe) eta nahasi dena. Jarri dena laberako ontzi

batean, estali eta laberatu 180 ºC-tan 30 minutuz. Kendu estalkia, hautseztatu

gaztarekin eta gratinatu.

Maiatzeko lehen egunak lehorrak izan ziren, eta oso tenperatura altuak izan

genituen; egun batean, 33 ºC-tatik gorakoa. Ez zen panorama ona, euririk

ezak kolokan jarri zuelako larratzeko eta siloratzeko belarra eduki ahal izatea.

Dena den, gero euria egiten hasi zen eta 116 litro bildu arte jarraitu zuen,

beraz, azkenean egoera ez zen txarra izan. Hilaren amaiera aldera egun eguz-

kitsuak izan genituenez berriro, belar-mordo handia siloratu genuen; hortaz,

bazka pixka bat izango dugu negurako.

Ortzadar hau ilunabar euritsu samar batean agertu zen. Nekez ikus

badaiteke ere, bikoitza da.

Bi biga jaio ziren maiatzean.

Hileko lorea. Vicia tetrasperma

Lekadun-mota asko daude gure baserrian. Hau Europakoa, Asiakoa

era Afrikako iparraldekoa da. Lekadunak beren haziengatik eta zu-

hainengatik landatu ohi dira, elikagai-iturri oso nutritiboak direlako

aziendarentzat.

Egurraldi beroarekin errazagoa da narrastiak ikustea. Suge leun

europar hau (Coronella austriaca) konpostaren metan zegoen, eta

kalabazinak landatzeko lurra mugitu genuenean ikusi ahal izan genuen.

Sugegorri hau (Vipera seoanei) askoz ere arriskutsuagoa da, baina

normalean ez da baratzeetan sartzen, jende gutxiago dabilen eta

landaretza dezentedagoen eremuetan egoten baita (nahiz eta bat-

zuetan etxetik gertu ikusi ditugun halakoak!).

Nahiko ohikoa da musker berdea ((Lacerta viridis) baserrian ikustea. Bere

eztarriaren kolore urdina udaberriaren erdialdera agertzen da, eta arrek na-

barmenagoa dute.

Askotan esan izan dugun bezala, belar freskoa dagoenean moztu behiei

pabiloian ematen diegu. Joan den hilean, behin, belarra behien janlekuetan

banatzen ari ginela musker berde gazte hau ikusi eta zelaietara itzuli genuen.

Hilaren 21ean, bikote bat etorri zitzaigun bisitan, eta 25ean Santurtziko

Bihotz Gaztea Ikastolako 49 ikasle.