Ekainaren 8ko arratsaldean, nekazaritzako produktuen ekoizpen- eta

salmenta-ereduen aldaketetan parte hartzen duten emakumeei buruz-

-ko tailerra egin genuen gure baserrian, non Bizkaiko hainbat etxalde-

tako andre abeltzainek eta baratzezainek hartu zuten parte, Bizkaiko

Foru Aldundiak sektoreko andrazkoentzat berariaz antolatutako tailerren

esparruan. Parte-hartzaileek azpimarratutako puntuetako batzuk asko

errepikatu ziren: belaunaldien arteko erreleboa lortzeko zailtasuna,

abeltzaintza eta nekazaritza soziala eta ingurumenari dagokionez eutsi-

garria sustatzekolaguntza egokirik eza, elikagaiak ekoizteko moduen

ondorioei buruzko informaziorik eza kontsumitzaileentzat eta sortutako

interesen lobbyen eragin izugarria informazio horretan.

Gurutzetako Ospitaleak menu ekologikoa eskaini zien berriro pazienteei

ekainaren 5ean, Ingurumenaren Nazioarteko Egunean, hain zuzen.Besteak

beste, “Vista Alegre” gazta ondua eta jogurt naturalak jan ahal izan zituzten.

Bilboko Konpartsek ere “Vista Alegre” produktua erabili zuten San Juan

gaueko txokolatada tradizionalerako, gure esnea, zehazki.

Landare hau Europakoa da, Orobanchaceae familiakoa. Hala, hemi

parasitikoa da (beste landare batzuez elika daiteke, partzialki), eta,

kasu honetan, belarren (gramineoak) eta lekadunen mantenugaiak

bereganatzen ditu. Gure baserrian, leku batean bakarrik ikusi dugu,

lur pobre eta lehorra dagoen eremu batean.

Hileko errezeta: Kalabaza- eta gazta-risottoa

400 g kalabaza

600 ml barazki-salda

200 g arroz (risottoa, eskura badago)

3 tipula txiki

Baratxuri-atal bat

50 ml ardo zuri

60 g gazta birrindu; parmesanoa, adibidez

40 g gurin

Frijitzeko olioa

Intxaur muskatua, gatza eta piperbeltza norberak nahi duen kantitatean.

Zuritu kalabaza, kendu haziak eta moztu kubo txikitan. Zuritu tipulak eta

baratxuria, eta zatitu fin. Berotu olioa eta gurina neurri ertaineko zartagin

batean, su ertainean. Frijitu tipula gorritu arte, eta erantsi baratxuria eta

kalabaza. Estali eta utzi kozinatzen 5 bat minutuz, kalabaza bigundu arte.

Birrindu kalabaza apur bat, pure lodia bihur dadin.

Erantsi arroza eta kozinatu 1-2 minutuz; ondoren, gehitu ardoa eta salda

nahikoa arroza estaltzeko. Likidoa xurgatu ahala, bota salda pixka bat eta,

tarteka, nahasi arroza, ez itsasteko.

Arroza ondo eginda dagoenean, eta salda xurgatuta, gehitu gazta birrindua-

ren erdia eta, norberak nahi duen kantitatean, intxaur muskatua, gatza eta

piperbeltza. Hautseztatu gainerako gazta birrindua gainean eta utzi minutu

bat berotzen. Zerbitzatu bero.

Eguraldi-kontua.

Eguraldia oso nahasia izan zen, baina tenperaturak urtaroari dagozkionak;

zenbait egunetan, baita oso altuak ere: 31,40 ºC-tara bitartekoak. Egun

lehor eta eguzkitsuak izan genituen, baita grisak eta hezeak ere, trumoi-

eta tximista-ekaitzak ere bai. Horrelako batean, hilaren 12an, txingorrak

baratzeko landare batzuk suntsitu zituen, nahiz eta Karrantzako gure au-

zoan ez genuen txarrena jasan. Beste auzo batzuetako baratzeetako piper,

tomate- eta arto-landareei enborra besterik ez zitzaien geratu. Egun euri-

tsuek 123 litro utzi zizkiguten, guztira, euri-neurgailuan, ekainean jaso ohi

dena baino askoz gehiago. Hezetasuna ezin handiagoa izan zen goiz bat-

zuetan, amaraunetan ikus zitekeen bezala.

Zer jan zuten behiek?

Maiatzean bezala, esne-behiek bazka, alpapa- eta ilar-bazka, pentsu

apur bat eta belarra jan zuten.

Lau behi erditu ziren, bi zekorrez eta bi bigaz. Beti bezala, bigak gure

esne-taldean sartuko dira eta zekorrak saldu egingo ditugu.

Beste zeregin batzuen artean, belardi batzuk soildu genituen, maldarik

gogorrenetan esku-motosegak erabiliz. Belar gehiago ere siloratu genuen.

Hau berriki ikusi ditugun sugeen arteko handiena da. Ez genuen astirik izan

zehazki zein espezietakoaden jakiteko. Sugeekiko mesfidantza oso zabalduta

badago ere, katebegi garrantzitsua dira sare trofikoetan, intsektuen, beste

narrasti batzuen eta, zenbait kasutan, karraskarien populazioak kontrolatzen

laguntzen dutelako.