Bilboko baserritarren asteroko azokan ez ezik, Karrantzako Gabonetako

azokan ere izan ginen, baita San Tomas eguneko Eguberrietako azoka

garrantzitsuan ere, Bilbon, hilaren 21ean.

Urtero bezala, Bizkaiko Elikagaien Bankuaren elikagai-bilketan parte

hartu genuen, oraingoan jogurtak emanez.

Hileko landarea. Polytrichum juniperinum

Baserrian bizi diren landareen gure azken adibidea goroldio hau da,

planetako kontinente guztietan aurki daitekeena, baita Antartikan ere.

Habitat lehor, azido eta esposiziopekoak nahiago ditu, baina eremu

hezeagoetan ere hazten da. Tradizioz, giltzurrunetako harriak eta

behazun-besikularra desegiteko infusioetarako erabiltzen zen, eta ilea

sendotzeko ere bai.

Biga hau Eguberri-egunean jaio zen!

Abenduan, bi talde etorri ziren baserria eta gaztandegia bisitatzera.

Lehenbizi Barakaldoko aisialdi-elkarte bat eta gero Leioako Ostalaritza

Ikastetxeko talde handi bat.

Zer jan zuten behiek?

Esne-behiek alpapa- eta ilar-bazka, pentsu pixka bat eta belar siloratua

jan zuten. Bigantxak larratu egin ziren, lurra ez zegoenen oso bustita.

Hileko errezeta: Indabak gaztarekin

Gaztandegian Jaime venezuelarrak lan egingo duenez, gure errezeta-bilduma

Latinoamerikako plater batekin amaituko dugu. Jakina, normalean gazta latino

bat erabiliko luke (gazta fresko latinoa, Oaxaca gazta, Chihuahua gazta, Mon-

terrey Jack, Mexikoko zenbait aipatzearren), baina gure gaztak ere primeran

egokitzen dira.

500 g indaba

12 katilu ur (8 alde batetik eta 4 bestetik)

Tipula zuri erdia, zatituta

Gatza, nahi beste (jatorrizko errezetan, zopa-koilarakada bat gatz jartzen du)

Katilu bat norberaren gustuko gazta (gehiago edo gutxiago jar daiteke)

Garbitu indabak, kendu izan dezaketen edozein harri edo hondakintxo eta garbitu,

hauts guztia kentzeko. Jarri indabak egosiko dituzun lapikoan eta erantsi 4 katilu

ur. Jarri sutan eta irakiten hasten direnean, gutxi gorabehera 10 minutuan, itzali

sua, estali eta utzi egoneanordubetez. Ondoren, iragazi indabak, irakiteko erabili-

tako ura kentzeko. Ipini berriro indabak egosteko lapikoan eta erantsi 8 katilu ur.

Irakin egosi arte, gutxi gorabehera bi orduz – bi ordu eta erdiz, indaba-barietatea-

ren arabera. Egiaztatu behin edo birritan ur nahikoa dutela. Ur gehiago behar iza-

nez gero, erantsi, baina lehenengo berotu egosketa ez eteteko. Indabak egosita

daudenean (presio-eltzea erabiliz gero, bete segurtasun-jarraibideak irekitzeko),

jarri berriro su ertainean, eta erantsi tipula eta gatza. Utzi beste bost bat minutuz

gatzarekin irakiten eta prest egongo dira.

Zerbitzatu plater sakonetan eta hautseztatu gazta gainean. On egin!

Abenduan jardun genuen lanean azkenengo aldiz Vista Alegre Baserriko gaztande-

gian, Gabonak baino lehen ateak itxi baikenituen. Poz handia hartu genuen Jaimek

eremu hori erabiltzea gustatuko litzaiokeela esan zigunean, eta giltzak hilaren erdia-

ldean eman genizkion. Gure baserriak gure behien esne ekologikoa banatzen jarrai-

tuko du. Beraz, zorte handia opa diogu.