Apirilaren 4an, Leioako Ostalaritza Eskolako ikasle-talde batek bisitatu

gintuen, Elikadura Justizia kanpainarekin elkarlanean antolatutako bisita.

Hileko errezeta: “Tikka-masala” oilaskoa

2 oilasko-bularki

250 g tomate

200 g jogurt natural

200 g «crème fraiche»

100 g tipula

Piper min bat

10 g menda

10 g martorri

Entsaladarako piper bat

Koilarakadatxo erdi martorri-hazi

Koilarakadatxo bat kumino-hazi

Koilarakadatxo erdi piperbeltz min

2 koilarakadatxo kurkuma

Baratxuri-ale erdia

5 g jengibre (freskoa)

Koilarakada bat garam masala

Frijitzeko olioa

Gatza eta piperbeltza

Zatitu fin tipula, piper mina, menda eta martorria. Zatitu cm bateko kubotan

oilaskoa, tomatea eta piperra. Birrindu baratxuria eta jengibrea.

Eho martorri-hazia eta kumino-hazia, eta nahasi piperbeltz minarekin eta

kurkumaren erdiarekin.

Katilu txiki batean, erantsi espezieen nahastea jogurt naturalari. Sartu oilasko-

puskak izozteko poltsa batean (edo tuper batean) jogurtaren eta espezieen na-

hasketarekin batera. Nahasi ondo eta utzi hozkailuan gutxienez 30 minutuz;

halere, hobe da hainbat orduz uztea.

Aurreberotu labea 180 ºC-tan. Sartu oilaskoa laberako ontzi batean eta laberatu

25-30 minutuz.

Lapiko txiki batean, frijitu tipula landare-oliotan, tenperatura baxuan, 5-7 minutuz,

harik eta gorritu arte. Erantsi birrindutako baratxuria eta jengibrea, piper mina,

entsaladarako piperra eta tomatea, eta frijitu tenperatura baxuan beste 4-5 minu-

tuz. Ondu gainerako kurkumarekin, garam masalarekin, gatzarekin eta piperbeltza-

rekin. Kozinatu 15 bat minutuz.

Gehitu ura eta crème[2] fraiche, eta eragin etengabe dena ondo nahasita egon arte.

Erabili eskuzko irabiagailua pikorrik gabeko saltsa homogeneoa lortzeko.

Gehitu oilaskoa nahasteari eta eragin ondo. Ondu gatzarekin eta piperbeltzarekin.

Erantsi menda eta martorria, pixka bat hornigairako utzita.

Zerbitzatu naan ogiarekin edo basmati arrozarekin.

Hileko lorea. Ezpata plantaina (Plantago lanceolata)

Landare honek, Europa osoan hedatuta dagoenak, herri-izen asko ditu Euro-

pako herrialde gehienetan... gaztelaniaz, adibidez, ehun baino gehiago. Me-

dikuntza-erabilera tradizional ugari zituen, eta oraindik ere belar-dendetan

erabili ohi da. Gure behientzat garrantzitsua, asko dago gure larreetan, eta

abereek arazorik gabe jaten dute; proteina dezente du (% 13,5), baita pota-

sioa (K) ere, eta ondo jasaten du aziendak zapaltzea.

Apirilean, eguraldi aldakorra izaten jarraitu genuen. Egunsentian, tenperatura

oso ezberdinak izan genituen: egunen batean, 2,2 ºC eta izoztea; beste ba-

tzuetan, 15 ºC-tatik gorakoak. Tenperatura maximoak, aldiz, 14,7 ºC eta 28 ºC

artekoak izan ziren. Egun eguzkitsuak, hego-haizearekin, egun hezeekin nahasi

ziren, baina guztizko prezipitazioa oso eskasa izan zen, erabat ezohikoa urte-

sasoi honetan, eta 55 litro besterik ez genuen jaso euri-neurgailuan. Hala ere,

euri-eskasia kezkagarria da; are kezkagarriagoa kontuan hartuta iragarpenen

arabera ez duela euri askorik egingo eta beharrezkoa litzatekeela animalien

bazka bermatzeko.

Behiek zer jan zuten?

Esne-behiek bazka, alpapa- eta ilar-bazka, eta pentsu eta larre apur bat jan

zuten.

Belar siloratu apur bat gehiago bildu genuen, eta minda hilaren amaieran

egin zuen euri apurra baino lehen zabaltzea lortu genuen.

Biga bat jaio zen.

Apirilaren 25ean, Ekolurrako Esti gaztandegia eta baserria ikuskatzera

etorri zen, ekoizpen eta elaborazio ekologikoari buruzko arauak bete-

tzen ditugula bermatzeko.